Әзірбайжанның Куба мен Израильдің Маалот-Таршиха қалалары бауырлас қалаға айналады

Бұл туралы Oxu.Az-қа берген түсініктемесінде “Azİz” Израиль-Әзербайжан халықаралық қауымдастығының бас директоры Лев Спивак мәлімдеді. 

Хабарлағанымыздай, 29 қыркүйектен 6 қазанға дейін Израильдің бірқатар қалаларының мэрлері мен мэр орынбасарларынан құралған делегация Әзербайжанға сапармен келеді. Делегацияның сапарын “Azİz” қауымдастығы дайындаған. 

“Әзербайжанның Губа және Израильдің Маалот-Таршиха қалалары арасында бауырлас қала болу жөнінде алдын ала келісім бар. Құжатқа біздің делегацияның Әзербайжанға қазіргі сапары барысында қол қойылады деп үлкен үміттенемін”, – деді Л.Спивак және “Azİz” қауымдастығы көп жылдан бері бауырлас қалалар бағдарламасын жүзеге асырып келе жатқанын қосты. 

Оның айтуынша, делегация құрамына Израильдің 12 қаласының мэрлері мен мэр орынбасарлары кіреді. 

“Израильде жалпы 67 қала бар екенін ескерсек, бұл – едәуір көп. Біздің елде қалалар мен қала мэрлері Израиль саясатының “аяқтары” саналады. Бұл адамдар түрлі партиялардың белсенділері, уақыт өте келе олар Кнессет депутаттарына айналады”, – деп атап өтті “Azİz”-тің бас директоры. 

Л.Спивак делегация құрамында әзербайжан тектілер де бар екенін айтты. 

“Маңғаз жайт – Маалот-Таршиха қаласының мэрі Аркади Померанец пен мэр орынбасарлары: Кирият-Ямнан Адам Амилов және Холоннан Михаил Сутовски әзербайжан текті”, – деп қосты ол. 

Л.Спивактың айтуынша, сапар аясында делегация Әзербайжан Республикасының Диаспорамен жұмыс жөніндегі мемлекеттік комитетінің төрағасы Фуад Мурадовпен, Салық министрімен, Әзербайжан–Израиль үкіметаралық комиссиясының тең төрағасы Микайыл Жаббаровпен, Босқындар мен мәжбүрлі көшіп-қонушылар істері жөніндегі мемлекеттік комитеттің басшысы Ровшан Рзаевпен кездесулер өткізеді, сондай-ақ республиканың еврей діни қауымдастықтары жетекшілерімен бірге Хейдар Әлиев орталығы мен Милли Мәжілісті (Ұлттық жиналысты) аралайды.

Сапар бағдарламасына Губаға, Губаның Қызыл қәсәбесіне, Сумгаитқа, Гобустан мемлекеттік тарихи-сәулеттік қорығына, “Атешгах” ғибадатханасына бару да енгізілген. 

“Жыл сайын еврейлердің Суккот мерекесі қарсаңында біз Әзербайжанда түрлі мәдени іс-шаралар өткіземіз. Бұл жолғы іс-шаралар мэрлердің сапары қарсаңында өтеді. Атап айтқанда, Мақсуд Ибрагимбейов атындағы шығармашылық орталықта Израильде өткен “Нәсими-650” өлең байқауының жеңімпаздарымен кездесу болады. Ал Әзербайжан ұлттық өнер музейінде белгілі израильдік флейта орындаушысы Анатолия Коганның концерті өтеді”, – деп атап өтті Л.Сливак. 

Қазіргі таңда Израиль мен Әзербайжан арасында бауырлас қалалар бар: Мингечевир – Афула, Исмайыллы – Кирьят-Бялик, Шамахы – Тират Кармель, Габала - Йокнеам.