O, 1952-ci ildə kolxozçu ailəsində doğulduğunu, ailədə 10 uşaq olduqlarını deyib: "Kəndin yaxınlığında alban kilsəsi var idi, bizə onu daim xristian qriqorian kilsəsi kimi qələmə vermişdilər. Dağın ətəyində hərbi zastava var idi. Uşaq vaxtı bizi o ərazidən Türkiyə tərəfə baxmağa qoymurdular. Kənddə 1921-ci ilə qədər ancaq azərbaycanlılar yaşayıblar. Həmin ildən kəndə ermənilər yerləşdiriliblər. Kəndimizin tarixi qədimdir. Hələ 1514-cü ildə sultan Səlimin qoşunları Kiçik Vedi ərazisində düşərgə salıb. Kiçik Vedi adı İrəvanın müfəssəl və icmal dəftərində də yazılıb və burada toponimlərin hamısı türkmənşəli olub".